Urke ligg midt i Sunnmørsalpane og er eit glimrande utgangspunkt for fjellturar til Slogen, Saksa, Urkeegga, Jakta, Råna og mange fleire. Dei fleste fjella har godt oppmerka stiar. I Bruaparken som ligg like ved campingen, er fleire fjellturar skildra i kart. Ein kort tur til gapahuken «Bentebu» i Leknesdalen er obligatorisk og herfra kan du fortsette opp mot Saksa som nyleg har fått oppgradert råsa gjennom ura med flotte steintrapper bygd av ekte sherpaer frå Nepal.

På Badestranda “Bøvika” like ved bygda har vi stupetårn og flytbrygge. Her er det fint å bade og stupe, spele fotball, beachvolley, grille og kose seg.

Hjørundfjorden og Norangsfjorden er ein fiskerik fjord. Her er mange plassar det er lett å fiske frå land. På butikken kan ein få kjøpt fiskeutsyr, og det er fleire som leiger ut båt i bygda.

Urke Kaihus har blitt ein nydeleg kafe/pub – eit tilskot til bygda som vi kanskje eigentleg ikkje trudde vi trengde. Kaihuset blei gjort i stand for hurtigrutegjestar hausten 2014 – drive på dugnad av bygdefolket med Grendalaget og Urke Utvikling i framsete. No er det dei staute karana bak Hjørundfjord Mountainguide som har tatt over drifta og sørga blant anna for stor flott uteservering og sjenkeløyve. Dei held ope kvar dag om sommaren og det er absoultt verdt eit besøk for å nyte variert matservering, ein kopp kaffe med vafler, heimelage kake, eller ein iskald pils etter ein flott fjelltur.

Urke er eit fint utgangspunkt hvis du likar å sykle. Då kan det anbefalast å ta turen gjennom Norangsdalen, som kanskje er verdas vakraste omveg med flotte seter-grender og det berømte Lyngstøylvatnet. Ta også ein tur innom det erverdige Hotel Union Øye som ligg i nabobygda Øye. Ellers er det fint å gå på bydgevandring og sjå Bruaparken, butikken, gardane og dei gamle kvernhusa i bygda.